Ermənistanda 44 günlük müharibədə ölən hərbçilərin cəsədlərinin saxlandığı morqda çəkilən görüntülər ölkədə rezonans doğurub.

Bu barədə Ermənistan mətbuatı yazıb.

Belə ki, Abovyan şəhərindəki xəstəxanalardan birində çəkilmiş görüntülərdə hərbçilərin cəsədləri plastik torbalara bükülüb və üst-üstə "morq” kimi qələmə verilən otağa atılıb.

Xatırladaq ki, buna qədər İrəvanda keçirilən etiraz aksiyasında vətəndaşlar hakimiyyətin 44 günlük müharibədəki ağır məğlubiyyəti gizlətmək və xalq arasındakı təşvişə səbəb olmamaq üçün ölən hərbçilərin cəsədlərini soyuducularda saxladığını bildiriblər.